تنبيه ومحدش يقرأ

[smile]

السلام عليكم ورحمة الله وبركاته


نداء لكل أعضاء منتدانا الغالى جدا عندى اد ايه اشتقنالكم ووحشتونا
ومفتقدين مشاركاتكم وتعليقاتكم الجميلة ياترى أنتم فين ؟

:confused: :confused: :confused:

لو تعبانين !
ألف سلامة

لو مشغولين !
ربنا يعينكم

لو مسافرين !
ترجعوا بالسلامة



لكن لو مفيش عذر يمنعكم من انكم تسألوا على منتدى اتعمل ليكم وبيكم
يبقى بجد زعلااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااانه


ومش لوحدى لا انا وكل واحد بيشارك ومش يبلاقى صدى لمشاركته
حتى لو كلمة جزاك الله خيرا ودى تكفى

عملنا فالمنتدى لوجه الله ثم لكل محتاج نساعده فى المجال ده
وبرده نستفيد منكم لاننا لسه برده بنتعلم

انا مش هفرض حاجة على الاعضاء اللى عدوا ال 600 ولازالوا مختفين فى ظروف غامضة :confused:


لكن اعذرونا لو اضطرينا نقفل المنتدى خلال شهر رمضان الكريم
لعدم توفر أعضاء قائمة على رعايته فعلا


الحمد لله اللى متفاعل للان انا وجهاد واحمد والادمن واحنا قادرين على ادارة المنتدى
لكن هل احنا مش عايزين نفيد الناس اللى لجأوا لينا

اتمنى كلامى يكون له صدى فى نفوسكم لانه منتدى ليكم وبيكم
لان الموضوع ده اكلمنا فيه كتير اووووووووووووووووووووووووووووووووووى


عايزة اقولكم اننا عايزين نرشح مشرفين كمان عالمنتدى
بس والله مش لاقيه حد اقول اسمه ع الاقل بيدخل المنتدى كل يومين وده لاننا هنحتاج مشرفين كمان فى المنتدى الاسلامى
اللى نبهنا عليه لكن هل من مجيب ؟؟؟

ان شاء الله وبعون الله نفتحه على رمضان بفضل ربنا بس
لكن بشكركم ان محدش حتى لما فتحنا الموضوع اقترح حاجة جديدة نحطه فيها وياريت لو عايزين تخدوا ثواب مش لينا احنا تقترحوا افكار فى المنتدى ده وتبعتولنا كمان


ولو ليك عذر ادخل وقوله عشان نعذر الغائب
مستنيه مشاركاتكم وزى ما بتخدوا لازم تعطوا

وياريت محدش يدخل يرد عليه لو هيكون الرد كالعادة
علشان تكون الصدمة اقل من انى اسمع الرد اللى معتادين نسمعه
لما بنفتح الموضوع ده وبنسال الناس فين ؟؟؟؟؟

السلام عليكم ورحمة الله وبركاته

[نور الاسلام]

الف شكر اختى سمايل على الموضوع وفعلا كلامك بجد جميلان انا مش شايف اعضاء فى المنتدىولا بشوف مواضيع جديده غير منك ومن ادمين واحمد وجهاذ فقط امال راحوا فين..؟ المنتدى جميل بس محتاج اعضاء انا ممكن اعمل اعلان فى منتدى دلع الى انا مشرف فيه
بس يارب الاعضاء الى غايبه ترجع ونبدء من جديد ...نور

[smile]

جزاك الله خيرا يا نور الاسلام الاعضاء الحمد لله كانت كانت كانت موجودة ولعل المانع من انقطاعهم فجأة يكون مقنع وانا بقول لو هيدخلوا يردوا الرد المعتاد عليه يبقى بلاش يردوا

وربنا ييسر لاننا عملنا المنتدى ليهم وانا مستنيه الصبر جميل

[نور الاسلام]

جزاك الله خيرا والمنتدى للجميع والى يقصر فى المنتدى ((المنتدى مش محتاجه))
المنتدى كل يوم فى تطور وازدياد والملحوظ كل يوم فى اعضاء جدد....والى الامام

[jt33]

السلام عليكم و رحمة الله و بركاته

معاكي حق أختي سمايل في كل كلمة تقوليها
لكن أريد أن أوضح بأن الناس لا تاخد هذا الكلام أنه خلاص وقفت الدنيا
احنا متابعين مهما حصل ولو فضلنا لوحدنا لابد ما يجي يوم والناس تشارك
والدليل انظرو رقم المشاهدات للمواضيع ديماً يتراوح بين 50 وال 60
يعني في ناس فعلاً موجودة بالمنتدى بس ما بدها تشارك .. هي حرة
بس هذا كله مش حيوقفنا ولو أني بحكي عن نفسي لأني تعودت على الوضع هذا
وبقلكم من خلال خبرتي الشخصية مع المنتديات كوني مشرف على 6 منتديات منها
من هو كبير ومنها ومن هو مبتدئ ومنها من هو عالمي لذا هي مشكلة متفشية في العديد من المنتديات وليس في جرين هاند بس ولكن نحن نسعى للتميز كوننا منتدى متخصص ... وهذه النقطة التي نعتب عليها على اخواننا
لكن عسى أن يلقى صوت الأخت سمايل آذاناً صاغية أو حتى لفت نظر !!!

أما بخصوص المنتدى الإسلامي فأنا في انتظار افتتاحه بالفعل
وإن شاء الله ستلقون فيه ما يسركم ونخدم فيه أفضل نعمة أنعمت علينا
ألا وهي ديننا الحنيف والذي على ما أعتقد
لا أحد يبخل في تقديم أي شيء يرفع من شأنه ويعزه !!!

---- وفقنا الله وإياكم لما يحب ويرضى ----
تحياتي وتقديري
والسلام عليكم و رحمة الله و بركاته

[نور الاسلام]

جميل معك حق اختى الكريمه لا نقف بدونهم فنحن مستمرين مهما حصل الى الامام...نور

[jt33]

أهلاً نور
وبارك الله فيك على المتابعة
أنا أخ وليس أخت هههه
تحياتي وتقديري

[نور الاسلام]

هلا وغلا على التوضيح المهم جدا انك اخ وليس اخت هههههههههه
الف شكر نور

[smile]

انا طبعا مش بقول ان الدنيا وقفت يا جهاد
بس على الاقل يكون فيه تجاوب او كلمة شكر
تشجع ع اننا نكمل فالمنتدى

بس طبعا انا من غيرهم وبيهم هكمل
لان ده منتدايا واللى عايز يستفيد ويفيد كتر خيره

[نور الاسلام]

فعلا الكلام كله صح وزى المثل مبيقول الغايب معاه حجته
ههههههههههه
نور

[smile]

انتى يا سمايل بجد اثارتى نقطه مهمه جدا

واتمنى اننا نلاقى حل ليها ان شاء الله

وياريت الاعضاء كلهم زيك والله كان الوضع اختلف تماما

كفايه اوى غيرتك على المنتدى وخوفك على الناس اللى اصلا مفكروش ولا خفو على المنتدى حتى زى ما انتى شايله همهم كده وخايفه عليهم

بجد يا سمايل بارك الله فيكى على الموضوع المهم جدا جدا جدا جدا جدا

وان شاء الله عسى المانع خير عن دخول الاعضاء

بس انا برده هردد كلامكم واوقل

اننا مكملين الطريق للاخر ومش هنقف

لان لو وقفنا يبقى ضعفنا

واحنا الحمد لله كل واحد فينا عانده المقدرة انه يقوم منتدى لوحده على رجليه

الف الف شكر يا سمايل

وبارك الله فيكى

وفى انتظار الاعضاء

[jt33]

فاهم قصدك تماماًَ أخي بارك الله فيكي
لكن أنا بوجه كلامي للناس ميشان ما تفكر أنه هذا الكلام من ضعف
لا بالعكس احنا نريدكم تشتغلو معانا عشان بالتعاون نكبر أكثر فأكثر
ومش حنقدر نتخلى عنكم بالتأكيد لكن إن لم نلقى من يساعدنا
فماضون في طريقنا وإن شاء الله نستكمل ما بدأناه منذ فتح المنتدى
تحياتي وتقديري للجميع

[نور الاسلام]

جميل قوى هذا الكلام انا مش عارف اقول ايه بعد هذا الكلام كله الف شكر
نور

[mag2003]

لا أقـــــــــــــــــــــــــــــــــول إلا
إيــــــــــــــــــــــــــــــــــاكم واليأس
إياكم أن تكونوا من الذين شعارهم إن أحسن الناس أحسنا
ولكن كونوا كالشجر الذي يؤتي ثمرة ولا يلتفت إلى جحود الأخرين


:d :d :d :d :d :d :d :d

[smile]

جزاك الله عنا كل خير وطبعا احنا عمرنا مهنتوقف
لكن زعلانين شويه من الاعضاء
لكن باذن الله لن نتوقف فهذا لله وربنا يساعدنا

[supermai]

السلام عليكم
ازيك يا سمايل يا قمر المنتدى
انا عندى موضوعات اسلامية مكتوبة فى برنامج البوربوينت عايزة ارفعها على المنتدى
يا ريت تعرفينى ازاى

[smile]

اهلا بيكى يا سوبر مى وان شاء الله يكون دورك فعال معانا
طيب انا هقولك على حاجة حلوة عشان نستفيد اكتر من حاجتك
احنا قريب جدااااااااااا ان شاء الله هنفتح المنتدى الاسلامى ايه رايك
لو نحطهم فيه ؟؟؟؟؟؟؟؟؟؟؟؟؟؟؟؟؟

انا مستنيه ردك يا حبيبتى وان شاء الله تكون مواضيعك كتير هناك

[نيرة]

انا عارفه انى انشغلت عن المنتدى جامد بس اعزرونى
انا حاليا فى رحله البحث عن وظيفه
وبالنسبه للمنتدى الاسلامى هو فعلا هيفيدنا جامد
وياريت اشارك فيه معاكم
وياريت متزعليش يا سمايل لانك فعلا اخت غاليه

[smile]

الله يكرمك يا حبيبتى انا فعلا زعلانه
بس بدام الناس معاها عذر يبقى خلاص
بس متنسوش المنتدى اوى كده

وربنا يعينك ان شاء الله وتلاقى الشغل اللى بتحلمى بيه
وان شاء الله حضروا انتوا بس دروس عشان المنتدى الاسلامى

وجزاكى الله خيرا على الرد

[نور الاسلام]

حمدا لله على سلامتك يا اختى الكريمه((( نيره )))
ولو عاوزه شغل انا عندى شغل كثير بس فى طنطا
ويارب نشوف مواضيعك ...اخوكى نور الاسلام

[نور]

إنت مشترك فى منتدى جرين هاند ليه .. ؟؟
عجبك ؟؟ ... حبيته ..؟؟ أمممممممممممممم مش عارف مش مصدقك ليه
طيب حنحطك تحت إختبار كشف الكذب .. موافق ؟؟ .. كده موافق . طيب يله بينا

لو فعلاً بتحب جرين هاندى وفخور بعضويتك عليه .. جرين هاند عاوزك تساعده .. أدخل على الرابط ده وشارك زملائك .. وهناك حتعرف كل حاجه
[Link nur für registrierte Benutzer sichtbar]

[نور الاسلام]

اخى الكريم نور الرابط مش شغال ارجوا اعادة النظر اليه
اخوك نور الاسلام

[joiria]

وحشتنوني اووووووووووووووي وكل سنه وانتوا طيبين
بس والله ما منعني عنكم غير اني مكنش عندي نت وكمان النت حتي بعد
ما اشتغل معرفش ماله مش بيحب السهر بيجي عالساعة 8 بعد المغرب
وينام هههههههه قصدي يفصل وانا طبعا في الفترة اللي قبل المغرب بكون نايمة
ومرة قولت انا هضحك عليه جيت من الشغل وفتحته ههههههههههه
طلعلي هوه لسانه وقالي مش انا اللي يضحك عليا وما اشتغلش برده يعني من الاخر كده بيشتغل بمزاجه اعمل ايه بقي:mad:
اعذروني ووصوا باسم عليــــــــــــــــــــــــــــــــــا

[smile]

اهلا بيكى مرة تانيه اختى جوريا

نورتى المنتدى برجوعك

ان شاء الله النت ما يفصل وتكونى معانا

محتاجين لمجهود كل شخص معانا

مجهودكم معانا