سمعت قبل كده عن intel core 2 extreme .. لو ما سمعتش تعالى و احنا نقولك

[novee]

السلام عليكم يا اهل المنتدى الكرام

بمناسبة انى انضميت حديثا لقائمة الاعضاء المميزين :p :p
انا مش بغيظكم طبعا لا سمح الله :p

فانا جايبلكم انهاردة معلومة جديدة :)

سمعت عن الصراع بين عملاقي انتاج المعالجات intel و AMD .. عرفت انه خد شكل جديد بظهور المعالجات ثنائية النواة
احنا مش موضوعنا الصراع بين الشركتين
احنا موضوعنا هو المعالجات او Processors الجديدة اللى نازلة او هتنزل الكام الشهر الجايين ..


فكرة المعالجات ثناية النواة تقوم على أساس معالج واحد يضم بداخله نواتين Core 2 يمكن لكل منهما أداء مهمة مختلفة في نفس الوقت مما يعطى للكمبيوتر قدرات هائلة ..

يعتمد المعالج QX6700 في الاساس علي معالجين من طراز E6700 و التي هى بالاساس مكونة من نواتين , فنحصل في النهاية على معالج رباعى النواة تعمل كل نواة منهما بشكل منفصل مستقل بتردد 2.66 ميجا هيرتز ..
يعنى الكمبيوتر بتاعى هيبقا اربع في واحد :D

باستخدام المعالج ده هتقدر تستخدم اكثر من تطبيق مختلف في وقت واحد.. و مش قصدى اى تطبيق عادى لا انا بتكلم عن البرامج او التطبيقات اللى بتستهلك جزء كبير من قوة المعالج و تخليك تعانى في استخدام اى تطبيق اضافي جنبه
يعنى ممكن تتصفح الانترنت و تنزل ملفات فيديو و تعمل فحص فيروسات للجهاز بتاعك كمان .. كل ده في وقت واحد و بنفس السرعة ;) ..

الفضل في ده بعد فضل ربنا طبعا يرجع لشركة انتل اللى اعتمدت تقنية جديدة في cache memory اللى بيعتمد عليها المعالج ..
بحيث تكون الذاكرة مشتركة بين كل الأنوية الأربع و بذلك يتم استخدام السعة الشاغرة من الذاكرة من قبل النواة التى تحتاجها بدلا من ان يتم تخصيص جزء محدد لكل نواة

كمان المعالج رباعي النواة بيتميز بقدرته على توفير الطاقة الكهربائية بشكل كبير مما يحسن من أداء الجهاز بشكل عام و يقلل من درجة الحرارة فيطيل عمر الجهاز و ده يكون واضح اكتر في الكمبيوترات المحمولة لان مع قلة استهلاك الطاقة هيقل زمن استهلاك البطارية

من الاخر هذا الوحش الكمبيوترى الجديد الذى اطلق عليه kentsfield و الذى يحتوى على 582 مليون وحدة ترنزستور سيمكنك من أداء الكثير من مهامك في زمن قياسي ..

و هينزل ان شاء الله مصر الفترة الجاية :)

لمزيد من المعلومات يمكنكم التوجة الى موقعنا الالكترونى
[Link nur für registrierte Benutzer sichtbar]

[smile]

novee

الف شكر على امعلوامت القيمه

يامسهل على ما توصلنا الحاجات دى

[ADMIN]

شكرا ليكى يانيفين على الاطلاله الجميله دى
ولكن فعلا البروسيسور ده موجود فىالسوق وكمان سعره معقول جداا مش غالى ولا حاجه
وجميلل جدا على فكره للناس اللى بتتشتغل جرافيك يفرق معانا كتير فى السرعه
شكرا ليكى يانيفين

[novee]

اهلا اهلا يا تيتو
مشكور على مرورك الكريم :) ابقا فوت علينا على طول ;)




اهلا اهلا يا ادمن

ولكن فعلا البروسيسور ده موجود فىالسوق وكمان سعره معقول جداا مش غالى ولا حاجه
بس انا يا فندم على حسب معلوماتى ان اللى جابه , طلبه من بره
ما اعرفش اتباع هنا و لا لسه
طيب تعرف سعره وصل لكام :rolleyes:

[ADMIN]

انا اعرف ان البروسيسور 3.2 كاش 4 ميجا dual core فى حدود 1350 جنيه تقريبا مش بالظبط

[marwa]

يا ريت فعلا نلاقيه فى مصر هايفيدنا اوى وبالذات المصممين لان انا واحدة من الناس بابقى غاوية اوى افتح 3 او 4 برامج مع بعض .. انا عارفة ان كده بافترى على الجهاز:p .. وبيكح منى كمان:D :)

[novee]

يا ريت فعلا نلاقيه فى مصر هايفيدنا اوى وبالذات المصممين لان انا واحدة من الناس بابقى غاوية اوى افتح 3 او 4 برامج مع بعض .. انا عارفة ان كده بافترى على الجهاز .. وبيكح منى كمان
امال جهازى ياعينى يعمل ايه
والله يصعب عليكى يا مروة :(
تسمعى أنينه من الاوضة التانية :rolleyes:

و ساعات بيصرخ :cool:

[jt33]

بارك الله فيكي أخي الفاضلة على الموضوع
لكن أيضاً هناك معالج AMD الجديد Athlon 64 FX DualCore
[Link nur für registrierte Benutzer sichtbar]
معالج رهيب جداً لكن سعره مرتفع
وللعلم فإن شركة AMD متفوقة على INTEL بعد تغلبها على مشكلة الحرارة الزوائدة التي كان يشتكي منها زبائن AMD
[Link nur für registrierte Benutzer sichtbar]
وتبدأ من معالج : AMD Sempron
و Sempron 64

وصولاً إلى معالجها الجديد : Athlon 64 FX DualCore
[Link nur für registrierte Benutzer sichtbar]
وكون INTEL تنتج في إسرائيل لذا AMD أيضاً تستفيد من هذه النقطة في الأوساط العربية
تحياتي وتقديري

[ADMIN]

صحيح انا مكانليش ارد ع الموضوع ده ومعانا الموسوعه التكنولوجيه جهاد
بس برضه ياجهاد هتدفع ال 450 دولار

[jt33]

الله عليك يا باسم وعلى كلامك
قال موسوعة قال ههههههه . أما بخصوص ال 400$
فخليني شوفك على الإيميل في حاجة غريبة حصلت معي
هههههه ( ويرزقكم من حيث لا تعلمون )
تحياتي وتقديري