انت لست مصمم

[ADMIN]

ماذا تفعل لو قالها لك أحد الأشخاص

إيه اللى انت عامله ده
ده منظر تصميم

لا لا انا فكرتك بتعرف تصمم
ايه الالوان دى
انت مصمم انت
كل دى جميل ممكن واحد يخبطهالك بعد ما طلعت عينك يعينى كام سنه فى خبرتك فى التصميم
ولا فى تعليمك للجرافيك ويقوم جاى واحد معندوش اى فكره ويقولك الكلمتين دول تقوله ايييييييييه ؟؟؟؟

[Eng_jolie]

السلام عليكم ورحمه الله
ازيكو كلكووازيك يا باسم بصراحه الموضوع ده مستفز جدا وحصل معايا لما كنت بتدرب في شركه جه صاحبها بعد لما خلصت التصميم وكنت فرحانه بيه اوي قالي ايه ده مفيش فيه فن وشكله معمول باستهتار..... بس انا قولتله اوك انا ماليش في الفن ممكن حضرتك توريني الفن ازاي وتعمل تصميم كده تعملني فيه ....فقعد على الفوتوشوب وقعدت يعمل حاجات غريبه ومالهاش فعلا اي علاقه بالفن وكان مبسوط بيها جدا
بصراحه انا لما شوفت كده بعد لما كنت مدايقه من كلامه ومحبطه حسيت انه رايه مالوش اي اهميه عندي بالعكس زادت ثقتي في نفسي وفي تصميماتي
اسفه لو كنت طولت عليكو بس انا اول لما شوفت الموضوع مقدرش امسك نفسي وقولت لازم احكيكلو علشان لازم تعرفوا انه مش اي ناخد برايه في تصميماتنا
و.... سلام

[ADMIN]

انا هأجلكم ردى انا بعد ما اسمع ارائكم بكارثه انسانيه من الدرجه الاولى بجد

[soledad707]

السلام عليكم ورحمه الله وبركاته...
بصراحه يا باسم موضوع مثير للجدل بجد... وبيسبب للمصمم احباط شديد وخصوصا لو كمان بقاله فتره مش قليله في المجال ده وتصميماته بتخظى باعجاب الجممهور بس يجي مره واحده حد يعمله وقفه جامده مع نفسه...
انا جربت الموضوع ده برضه... بس بلاقي ان ثقتي في نفسي واخدي لاراء الناس اللي حواليا واللي بثق في ارائهم كويس واعرف ذوقهم العالي هو اللي بيخليني اتخطى الموقف... لو كان التصميم محتاج تعديل والناس مجمعه على كده يبقى اكيد نظره كذا شخص اقوى من نظرتي لوحدي اما اذا كان الكل مجمع على ان التصميم كويس وفيه فكره وفن... فالاولي اني احاول اقنع الزبون او اللي بيقول ايه التصميم ده بوجهه نظري واناقشه في وجهه نظره...ماهو مش معقول ايه التصميم الوحش ده وملوش سبب في كده يعني...

[ADMIN]

انا برضه هأجل ردى ع الموضوع بالكارثه اللى قلتلكم عليها

بس عايز اضيف نقطه لكلامك ياهبه

ان احيانا واحد يقولك انا حاسس ان التصميم ده مش حلو
انا شخصيا وممكن حد يعارضنى بيركبنى مليون عفريت فى الكلمه دى
طيب يافندم وصلنى احساسك من اى اتجاه
هلى ياترى الفكره
انواع الخطوط مش مريحه
الالوان يافندم مش عاجباك
التصميم بسيط زياده عن اللزوم او العكس زحمه

انت حاسس ايييييييييييييييييييييييييه وحش لييييييييييييييييييه

احيانا فى عميل ذكي يقولك انا حاسس ان التصميم ده مش حلو بس بصراحه مش عارف انا حاسس انك تعبت فيه بس شوفت تصميم اللوحه الفلانيه عجبتنى جدا

انا احترم الراجل ده اوى لانه وصلنى اننا افهم ذوقه ومن هنا ابتدى اشتغل بناءا على الذوق اللى عجبه والافكار اللى خدتها منه

اتمنى اسمع اراء باقى الناس وخاصة تيتو لانه برضه من الناس الىل احتكت بالسوق اكتر واكتر وفى اكثر من مكان

[joiria]

هيه فعلا حاجة مستفزة وتحرق الدم وخصوصا لو كان النقد غير بناء
ومن واحد ميعرفش حاجة وبيقول اي حاجة وخلاص
بس انا لما بيحصل معايا كدة باخد راي ناس بتفهم ناس اثق في رايهم
والا بجد هيجيلي احباط

[نقار الخشب]

فى ناس مش تعرف تفرق اذا كان التصميم ده كويس ولا لا او ممكن يكون مش بيفهم فى التصميمات ممكن انت تصمم تصميم فى نظرك رائع جدا ويجى عميل يطلب تصميم فى نظرك انت تخاف تصممة عشان الناس مش تقول ده مش بيعرف يصمم . بس انا لو مصمم جرافيك هعمل اللى العميل يقولى عليه ومش هعمل اعتبار لأى تعليق تافه انا مصمم وواثق من نفسى ومش أى كله تهزنى .

[مهدي خير الله]

يا باسم

التصميم مسألة ذوق
طيب أنا هقولك على حاجة حصلت معايا النهاردة
قعدت أعمل تصاميم دعائية علشان أسلي وقتي اليومين اللي فاتوا
بعد الراوتر ما خرب
فالنهاردة كنت بوري التصاميم لصديق
عجبوه أوي ... قالي بس آخر واحد ما فيهوش شغل كتير
و شكلك استعجلت فيه
على الرغم من أن آخر واحد شغل فوتوشوب وفري هاند
مش فوتوشوب بس
ففي الغالب ... الذوق هو اللي بيحكم
ولولا اختلاف الأذوق لبارت السلع
أنا بأيد الناس اللي قالوا اسأله طيب رأيك أنتَ أيه
و إيه الألوان اللي من وجهة نظرك كويسة
إيه ناقص التصميم
وناقشه يمكن توصل معاه لنتيجة مُرضية للطرفين
مع الأخذ في الاعتبار
مش كلنا بنقدر نعبر عن اللي جوانا بشكل كويس
يمكن هو ده أسلوبه
و أنتَ كُمصمم لازم تكون متعود تتعامل مع كل الناس وعندك استعداد
لتقبل كل الآراء بصدر رحب
وبرضو زي ما قال نقار الخشب
أهم حاجة رأي العميل , , , ولو أن بعضهم بيقول طالما اسمي على التصميم
يبئى رأي العميل مش هينفعني لو الشغل مش كويس
ولكن في الغالب إحنا بنعمل اللي يريحهم ... حتى لو مش راضيين عنه
إلا لو فعلاً ذوقه وحش جدًا و ممكن يخرب الاسم بتاعنا
وقتها ممكن نقنعه بشغلنا
و أن الأحسن هي وجهة نظرنا ... بأني أعمل اللي هو عايزه
و أوريله الفرق بين العملين
وهو هيقتنع لوحده , , , ,


بالتوفيق للجميع

[ADMIN]

شكرا لك يامهدي وياياسر على مشاركتكم

ولكن المشكله يامهدي مش فى اختلاف الذوق ده امر مفروغ منه وانت كمصمم غصب عنك لازم تقبل كل الاذواق وتحترمها

ولو وصلت لمرحلة انه تصميم انا مقبلش احط عليه اسمى وخلاص العميل قفلت معاه على كده مش مهم احط توقيعى فهمتنى

بس المشكله فى الناقد بدون سبب يعنى مثلا توقيعك انا ممكن اقولك ايه الكئابه دى ده منظر تمصيم
تقومى عاملى واحد الوانه مبهجه اقولك لا لا تقوم عامل الوان بارده اقولك مفيش تصميم تانى اقوم عاملك تصميم باستايل الزخارف والرسم اصل مش عاجبنى وهكذاااااااا تعمل ايه مع واحد بالمنظر ده

وكمان فى ناقد لمجرد النقد يعنى معايه فى الشركه هنا واحد كل ما يشوف تصميم يقولى مفيش فكره تانيه
هو بيقولها بدون ما يكون فى دماغه اعتراض معين ع الفكره دى او فكره تانيه جديده

هو بيقولها وخلاص من باب اثبات الذات

[مهدي خير الله]

أسأله إيه مش عاجبك في التصميم
و أشوف وجهة نظره يا باسم
و بعد كدا أعمل اللي هو عايزه و أريحه . . .
ولو فضل مُصمم على اللي في دماغه
خلاص بئى يشوف مُصمم تاني

,
,

وبالنسبة للي بيقولك ما فيش فكرة تانية
فليها احتمالين
إما إن فكرتك فعلاً مش جديدة
و هو حابب أنك تعمل شيء أحسن
أو إن فكرتك كويسة
و هو عايز بس يهز من ثقتك في نفسك
دي تعرفها أنتَ طبعًا
يعني لو هو دائمًا بيقول كدا حتى لو الشغل كويس
يبئى أكيد حقود
و تجاهل رأيه غنيمة
ولكن لو كان فعلاً رأيه صح فما فيش مانع أقتنع بيه
و فى كل الحالات
أسأله
طيب إنتَ شايف إيه يكون أفضل
و أناقشه
يمكن فعلاً يديني فكرة كويسة
ولو ما كانش أهو عرفت أنه بيتكلم وخلاص :)


ربنا يوفقك يا باسم

[ADMIN]

ياهدوئك يامهدي طبعا ده تابع لشخصية كل مصمم فى مصم يقبل النقد لو حتى من غير سبب
انا صراحة اقبل النقد لكن اللى بسبب واللى مبنى على فكره لكن النقد اللى كده وخلاص مبقبلوش

شكرا لك يامهدي